Den gode hensigt

"Den Gode Hensigt" er ein kopi av Skåsheimsbåten som står på "De Heibergske Samlinger" i Kaupanger.

Originalen er frå omlag 1830, bygd av Ola Risen og vart nytta som føringsbåt på garden Skåsheim ved Sognefjorden. På dei store gardane i Sogn hadde dei ei lita jekt, ofte kalla ein storebåt til vareførsel bygdene imellom og til Bergen.

"Den Gode Hensigt" er 34 fot og vart bygd i 1992 på AMO-midlar av Bergen Kystlag si kursverksemd. Båtbyggjar var Nils Olav Solbakken. Den er registrert i Fritids- og småbåt-registeret med nr. RAL 217.

Venneforeninga har på vegne av Bergen Kystlag ansvar for vedlikehald og drift av båten. Vi har dugnadar og nyttar båten på kortare og lengre turar. Båten vert og nytta til kurs i segling med råsegl.